آئر لینڈ اور امریکا کا میچ منسوخ ،پاکستان ٹی 20 ورلڈ کپ سے باہر

انٹر نیشنل کرکٹ کونسل (آئی سی سی )مینز ٹی 20ورلڈکپ میں آئرلینڈ اور امریکا کا اہم میچ بارش کے باعث منسوخ کر دیا گیا۔

تفصیلات کے مطابق لاڈرہل فلوریڈا میں آئرلینڈ اور امریکا کے درمیان ہونے والااہم میچ مسلسل تاخیر کے بعد اب منسوخ کر دیا گیا ہے ، جس سے پاکستان تاریخ میں پہلی بار سپر 8 مرحلے میں شرکت کیے بغیر ورلڈ کپ سے باہر ہو گیا۔

واضح رہے کہ اس سے پہلے میچ آفیشلز نے بارش کے باعث میچ منسوخ کرنے کے بجائے 5،5 اوورز تک محدود کر دیا تھا لیکن اب مسلسل تاخیر اور بارش کے باعث میچ منسوخ کر دیا گیا ۔
اس سے پہلے موسم کا حال بتانے والوں کا کہنا تھاکہ فلوریڈا میں مقامی وقت کے مطابق صبح 10 بجے سے دوپہر 12 بجے کے درمیان بارش کے 20 سے 34 فیصد امکانات ہیں جو کے بعد میں 70 سے 80 فیصد تک بڑھ جائیں گے۔