راولپنڈی کے تھانہ وارث خان میں شہری پر بدترین تشدد کرنے والے اے ایس آئی کو ملازمت سے برخواست کر کے گرفتار کر لیا گیا۔
اے ایس آئی شہزاد کی ویڈیو سوشل میڈیا پر وائرل ہوئی تھی جس میں دیکھا جا سکتا ہے کہ وہ تھانہ وارث خان کے حوالات میں ایک باریش نوجوان پر تشدد کر رہا ہے اور مغلظات بکنے کے ساتھ ساتھ نہایت سفاکی سے اس کا بازو مروڑ رہا ہے۔
مذکورہ ویڈیو وائرل ہونے پر سی پی او راولپنڈی خالد ہمدانی نے واقعہ کا نوٹس لیتے ہوئے فوری طور پر اے ایس آئی شہزاد کو گرفتار کرنے کا حکم دیا اور اسے ملازمت سے برخاست کرنے کا بھی حکم جاری کیا۔ذرائع کا کہنا ہے کہ جس شخص پر تشدد کیا جا رہا تھا اسےپتنگ بازی کے الزام میں گرفتار کیا گیا تھا۔
Rawalpindi Police ASI arrested for torturing a citizen ,شہری پر تشدد کرنے والا راولپنڈی پولیس کا اے ایس آئی گرفتار
