الیکشن کالعدم قرار دینے سے متعلق درخواست سماعت کیلئے مقرر

شہری علی خان کی جانب سے عدالت عظمیٰ سے رجوع کیا گیا تھا جن کی دائر کردہ درخواست میں کہا گیا ہے کہ دھاندلی کی بنیاد پر کرائے گئے الیکشن کالعدم قرار دے کر ملک میں دوبارہ انتخابات منعقد کرائے جائیں۔

چیف جسٹس قاضی فائز عیسیٰ کی سربراہی میں عدالت عظمی کا تین رکنی بینچ 19 فروری کو اس مقدمے کی سماعت کرے گا جبکہ بینچ میں شامل دیگر ججوں میں جسٹس محمد علی مظہر اور جسٹس مسرت ہلالی بھی شامل ہیں۔

اس حوالے سے سپریم کورٹ نے درخواست گزار کو نوٹس جاری کر دیا ہے۔واضح رہے کہ آٹھ فروری کو ہونے والے الیکشن میں بڑے پیمانے پر دھاندلی کی شکایات سامنے آئی ہیں، جبکہ مختلف جماعتیں اس وقت احتجاج جلسے جلوس اور دھرنے جاری رکھے ہوئے ہیں۔

جن جماعتوں کو دھاندلی کے حوالے سے سب سے زیادہ شکایات ہیں ان میں پاکستان تحریک انصاف۔ جے یو ائی۔ اے این پی ۔جماعت اسلامی۔ نیشنل پارٹی۔ جی ڈی اے اور دیگر شامل ہیں۔