نواز شریف کے استقبال کے حوالے سے ایک لیگی رہنما کی ویڈیو وائرل ہوئی ہے
جس میں کہا گیا ہے کہ جو پارٹی كاركن اپنے قائد کے استقبال کیلئے لاہور جلسے میں جائیں گے وه سیدھے جنت میں جائیں گے ۔
نواز شریف کے استقبال پر جنت کا ٹکٹ ؟ لیگی رہنما کی ویڈیو وائرل
انگریزی اخبار کی رپورٹ کے مطابق پنجاب کے شہر كمالیہ سے سابق ركن قومی اسمبلی چوہدری اسد الرحمٰن جو سپریم کورٹ کے سابق جج خلیل الرحمن رمدے کے بھائی ہیں ،نے اجتماع سے خطاب کرتے ہوئے کہا کہ جو بھی 21 اکتوبر کو نواز شریف کے استقبال کیلئے جاۓ گا ، فرشتے فہرست میں اس کا نام لکھیں گے۔
لیگی رہنما کا یہ بیان وڈیو کی صورت سوشل میڈیا پر وائرل ہو گیا جسے شدید تنقید کا نشانہ بنایا جا رہا ہے ۔
