مری کے نواحی علاقہ کاہیاہ کے رہائشی ندیم عباسی کے قاتلوں کو پولیس تاحال گرفتار نہ کر سکی ۔لواحقین کا کہنا ہے کہ چند روز قبل ندیم عباسی کو زمین کے تنازعے پر مبینہ طور پر وجاہت اور صمد نے ان کے گھر سترہ میل میں داخل ہو کر بے دردی سے قتل کر دیا تھا ۔
مقتول ندیم عباسی کے دو بیٹے قاتلوں کی دھمکیوں پر خوف کی وجہ سے سکول بھی نہیں جا رہے ۔لواحقین نے کہا ہے کہ اسلام آباد پولیس تاحال قاتلوں کو گرفتارنہیں کر سکی۔ مقتول کے بچوں،لواحقین اوراہلیان مری نے آئی جی پولیس اسلام آباد اور دیگر اعلیٰ حکام سے مطالبہ کیا ہے کہ قاتلوں کو فوری گرفتار کیا جائے۔
