شمالی وزیرستان کے علاقے رزمک میں انٹیلی جنس پر مبنی آپریشن کے دوران سیکیورٹی فورسزکے ہاتھوں دو دہشت گرد مارے گئے۔
آئی ایس پی آر کے مطابق 14 اور 15 اگست کی درمیانی رات، سیکیورٹی فورسز نے شمالی وزیرستان کے ضلع رزمک کے عام علاقے میں دہشت گردوں کی موجودگی کی اطلاع پر انٹیلی جنس پر مبنی آپریشن کیا۔
اس آپریشن کے دوران فورسز نے دہشت گردوں کے ٹھکانے کو گھیرے میں لے لیا اور شدید فائرنگ کے تبادلے کے بعد دو دہشت گردوں کو جہنم واصل کر دیا گیا۔
ہلاک ہونے والے دہشت گردوں سے اسلحہ اور گولہ بارود بھی برآمد ہوا، جو سیکیورٹی فورسز کے خلاف دہشت گردی کی کارروائیوں کے ساتھ ساتھ بھتہ خوری اور معصوم شہریوں کی ٹارگٹ کلنگ میں بھی سرگرم رہے۔
بیان کے مطابق علاقے کی صفائی کی جا رہی ہے تاکہ وہاں ممکنہ طور پر موجود دیگر دہشت گردوں کو ختم کیا جا سکے۔علاقے کے لوگوں نے آپریشن کو سراہا اور دہشت گردی کی لعنت کے خاتمے کے لیے بھرپور تعاون کا اظہار کیا۔
