وفاق المدارس کے صدر ،ممتاز عالم دین مولانا مفتی محمد تقی عثمانی نے سویڈن کی مصنوعات کے بائیکاٹ کا مطالبہ کرتے ہوئے کہا ہے کہ پاکستان سمیت عالم اسلام کے تمام حکمران سویڈن سے سفراء واپس بلا ئیں اور توہین قرآن پر اس سے سفارتی تعلقات ختم کئے جائیں۔ مسلمان حکمران عالمی سطح پر ایسی ناپاک حرکتوں کے خلاف قانون منظور کرائیں ۔
تفصیلات کے مطابق وفاق المدارس العربیہ پاکستان کے قائدین صدر بشمول صدر مولانا مفتی محمد تقی عثمانی ،نائب صدور مولانا انوار الحق ،مولانا عبیداللہ خالد،مولانا سید سلیمان بنوری،مولانا سعید یوسف اور جنرل سیکرٹری وفاق المدارس العربیہ پاکستان مولانا محمد حنیف جالندھری نے سویڈن میں قرآن کریم کی دوبارہ بے حرمتی کے افسوسناک واقعہ پر شدید غم وغصہ کا اظہار کرتے ہوئے اسے اشتعال انگیز کارروائی قرار دیا۔
انہوں نے کہا عالم اسلام کے پرزور اور متفقہ احتجاج کے باوجود دوبارہ یہ گستاخانہ کاروائی کی گئی- وفاق المدارس العربیہ کے قائدین نے تمام مسلمانوں سے اپیل کی کہ وہ سویڈن کی مصنوعات کا مکمل بائیکاٹ کریں-انہوں نے پاکستان سمیت اسلامی دنیا کے حکمرانوں سے مطالبہ کیا کہ وہ سویڈن سے اپنے سفیر واپس بلائیں اور سویڈن سے تجارتی اور سفارتی تعلقات ختم کریں-وفاق المدارس کے قائدین نے تمام طبقات سے اپیل کی کہ وہ اس گستاخی کے خلاف بھرپور احتجاج کریں۔
مفتی تقی عثمانی
