سی ای او ہیلتھ، ضلع مری ڈاکٹر اظہرمحمود عباسی نے طبی سہو لتوں کا جائزہ لینے کے لئے بنیادی مرکز صحت تریٹ کا اچانک دورہ کیا۔ انہوں نے ادویات کی دستیابی، لیبر روم، ایمرجنسی وارڈ اور ایمرجنسی ادویات کی دستیابی، میل اینڈ فی میل وارڈز، ایکسرے مشین، ڈینٹل یونٹ، ہیپا ٹائٹس کلینک، ان ڈور، آؤٹ ڈور صفائی ستھرائی کا نظام، روٹین ویکسینیشن اور دیگر سہولتوں کا بغور جائزہ لیا۔ تمام سہولیات کے تسلی بخش انتظام پر سی ای او نے اطمینان کا اظہار کیا۔
اس مو قع پر انہوں نے میڈیکل پیشہ سے وابستہ ڈاکٹروں اور سٹاف کو دکھی انسا نیت کی خدمت کرنے اور انہیں زیادہ سے زیادہ طبی سہولتوں کی فراہمی کی تاکید کی۔ دورہ کے دوران انہوں نے عملے کی کارکردگی کو سراہا اور صفائی کے نظام کو مزید بہتر بنانے کے لیے چند ہدایات بھی دیں۔
