کابل میں افغان وزارت خارجہ کی عمارت پر خودکش حملے کے نتیجے میں 20 سے زائد افراد جاں بحق ہوگئے جبکہ متعدد زخمی ہیں ۔ یہ حملہ ایک ایسے وقت کیا گیا جب چین کا اعلیٰ سطح کا وقت دارالحکومت کابل میں طالبان حکام سے مذاکرات کے لیے پہنچنے والا تھا۔
غیر ملکی خبر رساں ایجنسی کے مطابق خودکش حملہ آور نے افغان وزارت خارجہ کی عمارت میں داخل ہونے کی کوشش کی، سکیورٹی اہلکاروں نے داخلے سے روکا تو حملہ آور نے خود کو دھماکے سے اڑالیا۔
فی الحال کسی گروپ نے دھماکے کی ذمہ داری قبول نہیں کی، واضح رہے کہ افغان وزارت خارجہ کی عمارت کے نزدیک ترکیہ اور چین سمیت کئی ممالک کے سفارت خانے موجود ہیں۔
