اسلام آباد(کوہسار نیوز) اسلام آباد، پشاور، مری سمیت ملک کے مختلف شہروں میں زلزے کے جھٹکے محسوس کیے گئے ہیں۔
میڈیا نیوز کے مطابق اسلام آباد،پشاور، مری ،ہری پور، پنڈ دادن خان ،گلگت بلتستان ،باجوڑ،وادی لیپہ فیصل آباد کے رہائشیوں نے زلزلے کے جھٹکے محسوس کئے ۔
لوگ کلمہ طیبہ کا ورد کرتے ہوئے گھروں سے باہر آ گئے۔
زلزلے کی شدت 5.8 ریکارڈ کی گئی ہے۔
زلزلے کا مرکز کوہ ہندوکش افغانستان تھا اور اس کی گہرائی 173کلو میٹر تھی۔
پاکستان کے علاوہ بھارت ، تاجکستان اور افغانستان میں بھی زلزلے کے جھٹکے محسوس کیے گئے۔
آخری اطلاعات تک زلزلے کے نتیجے میں کوئی مالی یا جانی نقصان نہیں ہوا تھا۔
تاہم اس حوالے سے تفصیلات آنا باقی ہیں۔
