راولپنڈی (کوہسار نیوز) اخبار فروش یونین راولپنڈی کےزیر اہتمام دعائیہ تقریب آج بروز بدھ سہہ پہر تین بجے اخبار مارکیٹ راولپنڈی میں ایک دعائیہ تقریب کا انعقاد کیا گیا ۔
تقریب میں اخبار فروش یونین راولپنڈی کے جنرل سیکرٹری عقیل احمد عباسی کے بڑے بھائی حاجی شکیل احمد عباسی،
سابق صدر آل پاکستان اخبار فروش فیڈریشن آزاد کشمیر سردار انور سدھن اور سینئر اخبار فروش رہنما ممتاز اعوان
سمیت تمام مرحومین کی مغفرت و ایصال ثواب کے لیے خشوع و خضوع کے ساتھ دعا کی گئی۔
عمرے کی سعادت حاصل کر کے آنے والے احباب نے آب زم زم اور کھجوروں سے حاضرین کی تواضع کی۔
تقریب کے اختتام پر کھانے کا بھی اہتمام کیا گیا۔
اس موقع پر خطاب کرتے ہوئے عقیل عباسی نے کہا کہ گزشتگان کو یاد رکھنا اور ان کے لیے دعائے مغفرت کا اہتمام کرنا قابل تحسین ہے۔
انہوں نے کہا کہ اخبار فروش اخباری صنعت میں ریڑھ کی ہڈی کی حیثیت رکھتے ہیں
مگر بدقسمتی سے پرنٹ میڈیا کے حالیہ زوال کے تناظر میں اخبار فروشوں کے حالات کار کی بہتری کیلئے حکومت
اور مالکان اخبارات میں سے کسی نے خاص توجہ نہیں دی، مگر اخبار فروش اب بھی خلوص نیت اور ایمانداری کے ساتھ
اپنا کام جاری رکھے ہوئے ہیں اور انشااللہ ایک بار پھر اخباری صنعت عروج حاصل کرے گی۔
