پاکستان میں انٹرنیٹ صارفین کے لئے بڑی خوشخبر ی

اس سلسلے میں امین الحق سے وزیراعظم کے معاون خصوصی برائے خزانہ طارق باجوہ نے رابطہ کیا اور گوگل کو ادائیگیوں کے حوالے سے تبادلہ خیال کیا۔ملاقات اور یقین دہانی کے بعد اس حوالے سے وفاقی وزیر کا کہنا ہے کہ ادائیگیاں شیڈول کے مطابق کی جاسکیں گی جس کے بعد پاکستان میں پیڈ گوگل ایپس بند نہیں ہوں گی۔

انہوں نے بتایا کہ اسٹیٹ بینک کو ہدایت کر دی ہےکہ ایک ماہ تک پالیسی پر عملدرآمد مؤخر کر دیں، علاوہ ازیں ٹیلی کام آپریٹرز کو ادائیگیوں کے طریقہ کار پر عملدرآمد کے لیے ایک ماہ کا وقت دے دیا گیا ہے۔
ایک ماہ کے اندر اندر وزارت آئی ٹی اور وزارت خزانہ، اسٹیٹ بینک کی مشاورت سے لائحہ عمل تیار کر لیں گے جس کے بعد یہ مسئلہ حل کرلیا جائے گا۔

امین الحق نے اپنی وزارت کی کاوشوں کے حوالے سے بتایا کہ کہ ٹیلی کام آپریٹرز نے وزارت آئی ٹی سے اس معاملے پر معاونت کی اپیل کی تھی جس پر انہوں نے وزیر خزانہ اسحاق ڈار کو ادائیگیاں کرنے اور اس سلسلے میں ٹائم فریم دینے کے لیے مراسلہ لکھا تھا، وفاقی وزیر نے بروقت فیصلے پر وزیر خزانہ اور وزیراعظم کے معاون خصوصی طارق باجوہ کا خصوصی شکریہ ادا کیا۔