سانحہ مری کے حوالے سے عدالت نے جہاں دیگر بہت سے حکم جاری کیے وہیں کلڈنہ بائی پاس کی فوری تعمیر کے حوالے سے بھی ہدایت کی گئی۔ سانحہ مری میں جہاں متعلقہ اداروں کی غفلت کا ہاتھ تھا وہیں ٹریفک جام بھی اس کا باعث بنا۔
مری سے گلیات آمد و رفت کے لئے کلڈنہ کے مقام پر اکثر ٹریفک جام رہتی ہے۔ جس سے جہاں سیاحوں کو مشکلات کا سامنا کرنا پڑتا ہے وہیں اہل علاقہ کے معمولات زندگی بھی بری طرح متاثر ہوتے ہیں۔ بچوں کی سکول آمد و رفت میں روزانہ کی بنیاد پر خلل واقع ہوتا ہے۔ نیز مریضوں کو ہسپتال پہنچانا بھی ناممکن ہو جاتا ہے۔
کلڈنہ بائی پاس بن جانے سے جہاں مذکورہ بالا مسائل حل ہو جائیں گے وہیں گلیات کی طرف سفر کرنے والوں کے لیے وقت کی بھی بچت ہو گی۔
