چیف جسٹس اپنی سربراہی میں کنٹینر حملے کا تحقیقاتی بنچ بنائیں- حکومت کی استدعا

عمران خان کے ہتھکنڈوں سے بلیک میل نہیں ہوں گے– وفاقی حکومت

وزیر اطلاعات مریم اورنگزیب نے کہا کہ عمران خان جہاں سے چاہیں تحقیقات کروائیں لیکن شرط یہ ہے کہ وہ خود اس میں شامل ہوں گے اور ثبوت فراہم کریں گے۔۔ وزیر اطلاعات نے استفسار کیا کہ اگر چیئرمین پی ٹی آئی کو حملے کے بارے میں قبل از وقت اطلاع مل گئی تھی تو انھوں نے حکومت پنجاب کے نوٹس میں یہ بات کیوں نہیں لائی؟ اگر ایک واقعہ پنجاب میں ہوتا ہے تو عمران خان استعفی کا مطالبہ وفاقی حکومت سے کیسے کر سکتے ہیں۔
مریم اورنگزیب نے مزید کہا کہ ملک میں انتشار پھیلانے والے، سرکاری املاک کو نقصان پہنچانے والے اور کاروبار زندگی کو معطل کرنے والے ملک و قوم کے وفادار نہیں ہو سکتے۔