پی ٹی آئی کے رہنما اعظم سواتی کو عدالت سے ضمانت منظور ہونے کے بعد اڈیالہ جیل سے رہا کردیا گیا۔ رہائی کے بعد عمران خان کے ہمراہ پریس کانفرنس سے خطاب کرتے ہوئے اعظم سواتی نے اعلان کیا کہ وہ دوران حراست اپنے اوپر ہونے والے تشدد کیخلاف عدالت جائیں گے،
واضح رہے کہ اسلام آباد کے اسپیشل جج نے گزشتہ روز اعظم سواتی کی ضمانت منظورکرتے ہوئے انہیں 10 لاکھ روپے کے ضمانتی مچلکے جمع کرانے کی ہدایت کی تھی۔
سینیٹر اعظم سواتی کو قومی اداروں کے خلاف متنازع ٹوئٹس کے الزام میں اسلام آباد سے گرفتار کیا گیا تھا۔
عدالت نے اعظم سواتی کی ضمانت کے حوالے سے اپنے تحریری فیصلے میں کہا ہے کہ بغاوت پراکسانےکی دفعات کے تحت کیس میں مزید انکوائری کی ضرورت ہے، ٹرائل میں شواہد ریکارڈ کرنے کے بعد ثابت ہوگا کہ پٹیشنر کا ٹوئٹ کرنے کا مقصد اور ارادہ کیا تھا۔
