مری تھانہ پتریاٹہ کی حدود انگوری میں زمین کے تنازعہ پر فائرنگ کر کے دو افراد کو قتل کر دیا گیا۔ فائرنگ کے بعد قاتل موقع سے فرار ہو گئے مری کے تھانہ پتریاٹہ کے علاقہ انگوری میں نمبردار انور اور ان کا پوتا راجہ اظہر نماز کے لیے گاڑی میں جا رہے تھے کہ راستے میں گھات لگائے بیٹھے مخالفین نے فائرنگ کر کے دونوں کو قتل کر دیا اطلاع ملتے ہی ایس پی کوہسار حیدر علی پولیس نفری کے ہمراہ موقع پر پہنچ گئے اور موقع سے شواہد اکٹھے کئے ایس پی کوہسار اور ڈی ایس پی ملک عارف نے بتایا کہ ملزمان کی فوری گرفتاری کیلئے ٹیمیں تشکیل دے دی گئی ہیں جلد ہی ملوث ملزمان کو گرفتار کر کے قانون کے کٹہرے میں کھڑا کیا جائے گا جبکہ لواحقین کا کہنا ہے کہ دونوں فریقین کے درمیان زمین کا تنازعہ چل رہا تھا اور موقع ملتے ہی محمد نذیر اور اس کے بیٹے نے دیگر نامعلوم افراد کے ہمراہ فائرنگ کر کے دادا پوتے کو قتل کر دیا پولیس نے فرانزک ٹیم کے ساتھ شواہد اکٹھے کرنے کے بعد نعشوں کو ٹی ایچ کیو ہسپتال مری منتقل کیا اور پوسٹ مارٹم کے بعد ورثا کے حوالے کر دیا
مری تھانہ پتریاٹہ کی حدود انگوری میں زمین کے تنازعہ پر فائرنگ ،2افراد قتل
