عمران خان کل لاہور کا دورہ کریں گے ،اہم فیصلے متوقع

چیئرمین تحریک انصاف عمران خان نے کل لاہور کا دورہ کرنے کا فیصلہ کیا ہے۔پاکستان تحریک انصاف کے ذرائع کے مطابق عمران خان کل لاہور پہنچ کر وزیراعلیٰ پنجاب پرویز الٰہی سے ملاقات بھی کریں گے۔ذرائع کا بتانا ہے کہ عمران خان کو پنجاب میں حکومت سازی کے امور پر بریفنگ دی جائے گی، چیئرمین تحریک انصاف پنجاب میں حکومت سازی سے متعلق اہم فیصلے بھی کریں گے۔ذرائع کا کہنا ہے کہ عمران خان کی پرویز الٰہی اور دیگر شخصیات سے ملاقاتوں میں پنجاب حکومت کی پرفارمنس روڈ میپ پر بھی بات ہو گی۔ذرائع کا یہ بھی بتانا ہے کہ وزیراعلیٰ پنجاب پرویز الٰہی آج بعد اسلام سے واپس لاہور پہنچیں گے، پرویز الٰہی ائیر پورٹ سے سیدھا وزیراعلیٰ ہاؤس پہنچ کر باقاعدہ چارج سنھبالیں گے۔