ایبٹ اباد کالج کے تین پروفیسر ایک ہی دن انتقال کر گئے

انتقال کرنے والوں میں پروفیسر فضل الرحمان (انچارج شعبہ اسلامک اسٹڈیز)، پروفیسر نوید (شعبہ پاک اسٹڈیز) اور پروفیسر ماجد (شعبہ اکنامکس) شامل ہیں۔

پروفیسر فضل الرحمان کی نماز جنازہ آج 18 فروری 2026 بروز بدھ سہ پہر 3 بجے نواں شہر، محلہ محمد زئی، قاسم علی خان پارکنگ میں ادا کی گئی۔ پروفیسر ماجد کی نماز جنازہ بھی آج دوپہر 2 بجے گاؤں کیری رائیکی میں ادا کی گئی۔ بنوں سے تعلق رکھنے والے پروفیسر نوید کی نماز جنازہ بھی آج ادا کر دی گئی۔

اہل خانہ کے مطابق پروفیسر فضل الرحمان اور پروفیسر نوید کا انتقال دل کا دورہ پڑنے سے ہوا جبکہ پروفیسر ماجد طویل عرصے سے کینسر کے مرض میں مبتلا تھے۔

کالج کے اساتذہ، طلبہ اور شہریوں نے تینوں مرحومین کی خدمات کو خراجِ عقیدت پیش کرتے ہوئے ان کے درجات کی بلندی کے لیے دعا کی ہے۔ اللہ تعالیٰ مرحومین کو جنت الفردوس میں اعلیٰ مقام عطا فرمائے۔ آمین۔