صوابی میں کارکنوں سے خطاب کرتے ہوئے وزیراعلیٰ خیبر پختونخوا سہیل آفریدی نے کہا کہ تھوڑا انتظار کریں، بانی پی ٹی آئی کو جلد رہا کرالیں گے۔ انہوں نے کارکنوں کے جوش و جذبے کو سراہتے ہوئے کہا کہ آج کا جذبہ پہلے کبھی نہیں دیکھا گیا۔
وزیراعلیٰ نے بتایا کہ بانی پی ٹی آئی عمران خان کی بیماری پارٹی، وکلا اور فیملی سے چھپائی گئی اور ذاتی معالج تک بھی رسائی نہیں دی گئی۔ انہوں نے کہا کہ عمران خان کا آپریشن رات کے اندھیرے میں کیا گیا اور پانچ دن تک قوم سے اس کی اطلاع چھپائی گئی۔
سہیل آفریدی نے مزید کہا کہ ہم نے اڈیالہ جیل کے سامنے دو دن گزارے لیکن ملاقات کی اجازت نہیں دی گئی، تاہم وہ یقین دلاتے ہیں کہ جلد اپنے لیڈر سے ملنے کا وقت آئے گا۔
