ایبٹ آباد،گلیات سرکل بکوٹ میں برفباری کے بعد خوبصورت مناظر

بکوٹ نتھیاگلی روڈ سرکل بکوٹ کے لاکھوں افراد کو ضلعی ہیڈکوارٹر ایبٹ آباد سے ملانے والی شاہراہ مکمل بند ٹھنڈیانی سے پٹن پہلیر روڈ ایوبیہ سے ریالہ ملکوٹ بیروٹ کی تمام رابطہ سڑکیں کالاباغ سے گلیات کی تمام رابطہ سڑکیں چھانگلہ گلی سے تحصیل لورہ سیر شرقی زیارت معصوم جیسی تمام رابطہ سڑکوں پر فی الحال کسی قسم کی مشینری کام نہیں کر رہی رات سے شروع ہونے والی برفباری کے باعث ۔ اس شدید سرد موسم میں ضلع ایبٹ آباد کے ادارے ریسکیو 1122 پولیس ڈیپارٹمنٹ خیبرپختونخواہ ہائی وے اتھارٹی گلیات ڈویلپمنٹ اتھارٹی محکمہ برقیات سب اپنی اپنی کوششوں میں مصروف رہے اور مین شاہراہ ایبٹ آباد کوہ مری روڈ کو صاف کرکے سیاحوں اور مقامی لوگوں کے لئے سہولیات پہنچانے کی کوشش کی گئی ۔

رات کو ایبٹ آباد ہرنو کے سیاحتی مقام سے راستہ بند کیا گیا تاکہ کوئی ناخوشگوار واقعہ نہ ہو اسی طرح راولپنڈی اسلام آباد سے کوہ مری سرکل بکوٹ آذاد کشمیر اور گلیات کی طرف آنے والے سیاحوں کو ایکسپریس وے اور جی ٹی روڈ پر روکا گیا تاکہ رش سے بچا جائے اسکے باوجود بڑی تعداد میں سیاحوں کا رخ اور ٹریفک بلاک ہونے سے لمبی قطاریں لگ چکے ہیں

۔عوام علاقہ سرکل بکوٹ نے مطالبہ کیا ہے کہ فوری طور پر نتھیاگلی بکوٹ روڈ سمیت تمام رابطہ سڑکوں کو بحال کیا جائے اور عوام کو سہولیات دی جائیں ۔ کوھالہ سے راولپنڈی مری اور مظفرآباد کے لیے ٹریفک بحال ھے کسی ناخوشگوار واقعہ کی کوئی اطلاع نہیں

تاہم گلیات اور ہزار ڈویژن کے کاغان ناران شوگران کی طرف سفر کرنے سے اجتناب کرنے اور دوران سفر تمام حفاظتی تدابیر اختیار کرنے کے حوالے سے متعلقہ ادارے بار بار متنبہ کررہے ہیں کہ جب تک راستے مکمل بحال نہ ہوں سیاح سفر سے گریز کریں ۔