سانحہ گل پلازہ:ایم سی افضل زیدی ہٹا دیے گئے

نوٹیفکیشن کے تحت 19 گریڈ کی افسر سمیراحسین کو میونسپل کمشنر کے ایم سی کا اضافی چارج دے دیا گیا ہے۔ ذرائع کے مطابق افضل زیدی گزشتہ ماہ 3 سالہ ابراہیم کے گٹر میں گر کر جاں بحق ہونے والے واقعے کے بعد تنقید کی زد میں تھے اور گل پلازہ آتشزدگی کے دوران بھی ان کی کارکردگی اطمینان بخش نہیں تھی۔

ذرائع کے مطابق افضل زیدی کو بیرون ملک سفر سے بھی روکا گیا تھا، اور وہ ترکی جانے کے لیے کراچی ائیرپورٹ پہنچے تھے لیکن اسٹاپ لسٹ میں نام ہونے کی وجہ سے انہیں آف لوڈ کیا گیا۔