شہبازشریف کی ٹرمپ کیساتھ سرگوشیاں عالمی توجہ کامرکز بن گئیں

سوئٹزرلینڈ کے ڈیووس میں وزیر اعظم شہباز شریف اور امریکی صدر ڈونلڈ ٹرمپ کے درمیان ہونے والی سرگوشیاں میڈیا کی توجہ کا مرکز بن گئیں۔ جمعرات کو پاکستان سمیت مختلف ممالک نے ڈیووس میں غزہ بورڈ آف پیس معاہدے پر دستخط کیے۔

تقریب میں وزیر اعظم شہباز شریف اور چیئرمین جوائنٹ چیفس آف اسٹاف کمیٹی فیلڈ مارشل سید عاصم منیر بھی شریک تھے۔ وزیر اعظم نے پاکستان کی جانب سے معاہدے پر دستخط کیے اور صدر ٹرمپ کے ساتھ خوشگوار گفتگو کی۔

صدر ٹرمپ نے تقریب میں فیلڈ مارشل سید عاصم منیر کا مسکراہٹ کے ساتھ خیرمقدم کیا۔ پاکستان کی سیاسی اور عسکری قیادت تقریب میں عالمی رہنماؤں کی توجہ کا مرکز بنی رہی۔

امریکی صدر ڈونلڈ ٹرمپ نے خطاب میں کہا کہ غزہ بورڈ آف پیس میں شمولیت پر تمام ممالک کا مشکور ہوں اور بورڈ کے تحت اقوام متحدہ سمیت دیگر ممالک کے ساتھ کام جاری رکھوں گا۔