سہیل آفریدی کراچی سے اسلام آباد روانہ ہو گئے

اسلام آباد روانگی سے قبل وزیر اعلیٰ سہیل آفریدی نے سابق رکن قومی اسمبلی فہیم خان کی رہائش گاہ کا دورہ کیا، جہاں انہوں نے پارٹی رہنماؤں اور زیر حراست کارکنان سے ملاقات کی۔

دورے کے دوران وزیر اعلیٰ خیبر پختونخوا نے پاکستان تحریک انصاف کے مرکزی و صوبائی رہنماؤں کے ہمراہ مزار قائد پر حاضری دی، پھول چڑھائے اور فاتحہ خوانی کی۔ اس موقع پر پی ٹی آئی کے سیکریٹری جنرل سلمان اکرم راجہ، سندھ کے صدر حلیم عادل شیخ، عمر ڈار، ریحانہ ڈار، نعیم حیدر پنجوتھہ، شفیع جان، شوکت بسرا اور دیگر رہنما بھی موجود تھے۔

وزیر اعلیٰ سہیل آفریدی نے مزار قائد پر مہمانوں کی کتاب میں اپنے تاثرات بھی قلم بند کیے۔