ایبٹ آباد (نویداکرم عباسی) ایبٹ آباد کے معروف سیاحتی مقامات ایوبیہ چھانگلہ گلی ڈونگا گلی نتھیاگلی میں ان دنوں حالیہ برفباری کے بعد بڑی تعداد میں سیاحوں کی آمد ۔ سیاحوں کو بہتر سہولیات فراہم کرنے کے لئے ادارے بھی متحرک ۔ڈائریکٹر جنرل خیبرپختونخوا کلچر اینڈ ٹورازم اتھارٹی کی ہدایات پر ٹورسٹ سروسز ونگ کی ٹیم نے کنٹرولر ٹورسٹ سروسز ونگ شہریار محمود کی سربراہی میں خصوصی دورہ کیا۔ جس ڈپٹی کنٹرولر محمد تنویر، ڈپٹی ڈائریکٹر لائسنسنگ اینڈ ریوینیو شاہد رضا، انسپکٹر زعمران شاہ اور اعتزاز شاہ شامل تھے۔ ٹیم نے نتھیاگلی میں مختلف ہوٹلز و ریسٹورنٹس کا دورہ کیا اور اس میں فراہم کی جانے والی سہولیات، کچن سمیت دیگر صفائی و ستھرائی کے انتظامات کا بھی تفصیلی جائزہ لیا۔ اس موقع پر کنٹرولر ٹورسٹ سروسز ونگ شہریار محمود نے ہدایات جاری کرتے ہوئے کہا کہ تمام ہوٹلز و ریسٹورنٹس سیاحوں کو بنیادی سہولیات کی فراہمی یقینی بنائیں تاکہ سیاحوں کی جانب سے کسی قسم کی شکایات موصول نہ ہوں۔
ایبٹ آباد،ٹورسٹ سروسز ونگ کی ٹیم کا دورہ نتھیاگلی
