ایران میں احتجاج پھیل گیا،47 افراد ہلاک،ہزاروں گرفتار

ایران کے دارالحکومت تہران اور دیگر بڑے شہروں میں حکومت مخالف مظاہرے شدت اختیار کر گئے ہیں۔ انسانی حقوق کے گروپوں کے مطابق احتجاج ایران کے تمام 31 صوبوں میں 100 سے زائد شہروں تک پھیل چکا ہے۔ اب تک 47 افراد ہلاک اور تقریباً 2,500 مظاہرین کو گرفتار کیا جا چکا ہے۔

سپریم لیڈر آیت اللہ علی خامنہ ای نے عوام سے یکجہتی اور اتحاد برقرار رکھنے کی اپیل کرتے ہوئے کہا کہ کچھ عناصر عوامی املاک کو نقصان پہنچا کر غیر ملکی طاقتوں کو خوش کرنے کی کوشش کر رہے ہیں۔ انہوں نے امریکی صدر ڈونلڈ ٹرمپ کو مخاطب کرتے ہوئے کہا کہ ایران کسی بھی کرائے کے فوجی یا بیرونی مداخلت کو برداشت نہیں کرے گا۔

ایران نے اقوام متحدہ سے ریاستی خودمختاری کے تحفظ اور غیر ملکی مداخلت روکنے کا مطالبہ کیا ہے۔ وزارت خارجہ کے مطابق امریکی بیانات بدامنی کو ہوا دینے کی کوشش ہیں اور ایران کے اندرونی مسائل پر غیر قانونی اثر ڈالنے کی کوشش ہیں۔ وزارت خارجہ نے مزید کہا کہ ایران میں معاشی مشکلات کی بڑی وجہ امریکی پابندیاں ہیں اور امریکا صرف معاشی نہیں بلکہ نفسیاتی اور میڈیا جنگ بھی لڑ رہا ہے۔

واضح رہے کہ امریکی صدر ڈونلڈ ٹرمپ نے حال ہی میں بیان دیا تھا کہ وہ دنیا بھر کے ممالک پر فوجی کارروائی کا اختیار رکھتے ہیں اور اپنی اخلاقیات اور فیصلے کی بنیاد پر اس اختیار کو استعمال کریں گے۔

یہ صورتحال ایران میں جاری مظاہروں اور بین الاقوامی کشیدگی کی روشنی میں تشویش کا باعث بنی ہوئی ہے۔