جنوبی وزیرستان،وانا میں دھماکہ،جے یو آئی رہنما زخمی

اطلاعات کے مطابق دھماکہ وانا بازار میں کونڑا چینہ مدرسہ کے قریب پیش آیا۔ دھماکے کے فوراً بعد مقامی افراد نے امدادی کارروائیاں شروع کیں اور زخمی مولانا سلطان کو فوری طور پر قریبی ہسپتال منتقل کر دیا گیا، جہاں انہیں طبی امداد دی جا رہی ہے۔

واقعے کے بعد سیکیورٹی فورسز اور قانون نافذ کرنے والے ادارے موقع پر پہنچ گئے اور علاقے کو گھیرے میں لے کر تحقیقات کا آغاز کر دیا گیا ہے۔ دھماکے کی نوعیت اور وجوہات جاننے کے لیے شواہد اکٹھے کیے جا رہے ہیں۔