راولپنڈی میں دفعہ 144 میں مزید 7 روز کی توسیع

اس حوالے سے ڈپٹی کمشنر راولپنڈی حسن وقار چیمہ نے باقاعدہ نوٹیفکیشن جاری کر دیا ہے۔ نوٹیفکیشن کے مطابق شہر میں جلسے، جلوس اور ریلیوں پر مکمل پابندی عائد رہے گی۔

انتظامیہ کی جانب سے جاری احکامات میں لاؤڈ اسپیکر کے استعمال اور اسلحے کی نمائش پر بھی پابندی برقرار رکھنے کا فیصلہ کیا گیا ہے۔ حکام کے مطابق دفعہ 144 کے نفاذ کا مقصد امن و امان کی صورتحال کو برقرار رکھنا اور کسی بھی ناخوشگوار واقعے سے بچاؤ ہے۔

ضلعی انتظامیہ نے شہریوں سے اپیل کی ہے کہ وہ جاری کردہ احکامات پر عمل کریں، خلاف ورزی کی صورت میں قانونی کارروائی عمل میں لائی جائے گی۔