سبی میں  دھماکہ،ایک شخص جاں بحق،پانچ زخمی

سبی کے علاقے چینک چوک کے قریب ہونے والے دھماکے کے نتیجے میں ایک شخص جاں بحق جبکہ پانچ افراد زخمی ہو گئے۔ پولیس کے مطابق دھماکہ گرلز ہائی اسکول کی دیوار کے قریب ہوا۔

دھماکے کی اطلاع ملتے ہی پولیس اور ریسکیو ٹیمیں فوری طور پر موقع پر پہنچ گئیں اور زخمیوں کو ابتدائی طبی امداد کے بعد ٹیچنگ اسپتال منتقل کر دیا گیا۔

پولیس کا کہنا ہے کہ واقعے کی جگہ کو گھیرے میں لے لیا گیا ہے جبکہ بم ڈسپوزل اسکواڈ بھی موقع پر پہنچ چکا ہے۔ دھماکے کی نوعیت اور وجوہات کے تعین کے لیے تحقیقات شروع کر دی گئی ہیں۔