سکیورٹی فورسز کی کارروائی،5بھارتی حمایت یافتہ دہشتگرد ہلاک

آئی ایس پی آر کے مطابق ہلاک ہونے والے دہشت گرد علاقے میں متعدد دہشت گردانہ کارروائیوں میں ملوث تھے، جبکہ کارروائی کے دوران ان کے قبضے سے اسلحہ اور گولہ بارود بھی برآمد ہوا۔ سکیورٹی فورسز کی جانب سے علاقے میں کسی ممکنہ خطرے کے پیش نظر کلیئرنس اور سینی ٹائزیشن آپریشن جاری ہے۔

دوسری جانب وزیراعظم محمد شہباز شریف نے بلوچستان کے ضلع کوہلو میں کامیاب کارروائی پر سکیورٹی فورسز کو خراج تحسین پیش کیا۔ وزیراعظم کا کہنا تھا کہ دہشت گردی کے خلاف پوری قوم متحد ہے اور انسانیت دشمن عناصر کے عزائم کو ناکام بنایا جائے گا۔

انہوں نے مزید کہا کہ حکومت ملک سے دہشت گردی کے مکمل خاتمے کے لیے پُرعزم ہے اور سکیورٹی فورسز کی قربانیاں رائیگاں نہیں جائیں گی۔