پاکستان اورADB کے دو اہم منصوبوں پر 730 ملین ڈالر کے معاہدے
اسلام آباد: پاکستان اور ایشیائی ترقیاتی بینک (ADB) کے درمیان 730 ملین ڈالر مالیت کے دو اہم منصوبوں پر دستخط ہو گئے ہیں۔
ترجمان اقتصادی امور کے مطابق 330 ملین ڈالر مالیت کے سیکنڈ پاور ٹرانسمیشن منصوبے پر دستخط ہوئے، جبکہ 400 ملین ڈالر کے سرکاری ملکیتی اداروں کی ٹرانسفارمیشن پروگرام پر بھی معاہدہ کیا گیا۔
ٹرانسمیشن منصوبہ پن بجلی کے منصوبوں سے 2,300 میگاواٹ بجلی کی ترسیل ممکن بنائے گا، جبکہ ٹرانسفارمیشن پروگرام کے تحت ایس او ای ایکٹ اور متعلقہ پالیسیوں پر مؤثر عملدرآمد کو یقینی بنایا جائے گا۔
ایشیائی ترقیاتی بینک کی کنٹری ڈائریکٹر نے پاکستان کے ان اقدامات کو سراہتے ہوئے کہا کہ اصلاحات کا یہ پروگرام ملک کی اصلاحاتی کوششوں کو مزید مضبوط کرے گا۔
