شمائلہ عمران کی میت تدفین کیلئے لندن سے پاکستان روانہ

متحدہ قومی موومنٹ کے مقتول رہنما ڈاکٹر عمران فاروق کی اہلیہ شمائلہ عمران کی میت تدفین کیلئے لندن سے پاکستان روانہ کر دی گئی ہے۔ اس حوالے سے معلوم ہوا ہے کہ شمائلہ عمران فاروق کی میت جمعہ کی صبح ساڑھے پانچ بجے کراچی پہنچے گی۔ شمائلہ عمران فاروق کی تدفین کراچی کے سوسائٹی قبرستان میں ان کے والد کے پہلو میں کی جائے گی۔یاد رہے کہ شمائلہ عمران فاروق جمعہ کو لندن کے مقامی اسپتال میں طویل علالت کے بعد انتقال کرگئی تھیں۔