25 دسمبر کو بینکوں میں عام تعطیل کا اعلان

وفاقی حکومت نے 25 دسمبر کو ملک بھر میں عام تعطیل کا اعلان کر دیا ہے، جس کے باعث تمام بینک اور مالیاتی ادارے بند رہیں گے۔

اسٹیٹ بینک آف پاکستان کے مطابق 25 دسمبر بروز جمعرات یومِ قائدِاعظم اور کرسمس کے موقع پر عام تعطیل ہوگی۔ اس دن سرکاری و نجی کمرشل بینکوں کے علاوہ تمام مالیاتی ادارے بھی اپنی معمول کی سرگرمیاں انجام نہیں دیں گے۔

اسٹیٹ بینک نے واضح کیا ہے کہ تعطیل کے باعث بینکاری خدمات 25 دسمبر کو دستیاب نہیں ہوں گی، جبکہ معمول کے مطابق کام کا آغاز اگلے کاروباری دن سے کیا جائے گا۔