ڈاکٹر یاسمین،اعجاز چودھری و دیگرکو 10سال قید،شاہ محمود بری

انسداد دہشت گردی عدالت نے 9 مئی کو جی او آر گیٹ پر توڑ پھوڑ کے مقدمے کا محفوظ فیصلہ کوٹ لکھپت جیل میں سنایا۔ عدالت کے مطابق سزا پانے والے تمام ملزمان کو ریاستی املاک کو نقصان پہنچانے اور بدامنی پھیلانے کے الزامات کا سامنا تھا، تاہم شاہ محمود قریشی کے خلاف الزامات ثابت نہ ہو سکے۔

عدالتی کارروائی کے دوران ڈاکٹر یاسمین راشد سمیت مجموعی طور پر 21 ملزمان کے حتمی بیانات قلمبند کیے گئے۔ پراسیکیوشن کی جانب سے 56 گواہوں کو عدالت میں پیش کیا گیا، جبکہ کیس کا فیصلہ انسداد دہشت گردی عدالت کے جج منظر علی گل نے سنایا۔

عدالت کو بتایا گیا کہ دورانِ سماعت چار ملزمان کو اشتہاری قرار دیا گیا تھا، جبکہ مقدمے کا چالان تھانہ ریس کورس پولیس کی جانب سے پیش کیا گیا تھا۔

عدالتی فیصلے کے بعد سیکیورٹی کے سخت انتظامات کیے گئے، جبکہ اس مقدمے کو 9 مئی کے واقعات سے متعلق اہم کیسز میں شمار کیا جا رہا ہے۔