امریکا میں نئے سال پر دھماکوں کی سازش ناکام
امریکی اٹارنی جنرل کے مطابق لاس اینجلس اور اورنج کاؤنٹی میں نئے سال کے موقع پر بم حملوں کی منصوبہ بندی پکڑ لی گئی۔ دہشت گرد امیگریشن ایجنٹس، گاڑیوں اور دیگر اہم مقامات کو نشانہ بنانے کی کوشش کر رہے تھے۔ سازش انتہائی بائیں بازو کی حکومت مخالف جماعت سے منسلک تھی۔سیکورٹی فورسز نے بروقت کارروائی کرتے ہوئے حملے کی سازش ناکام بنا دی۔ متعلقہ علاقوں میں حفاظتی اقدامات مزید سخت کر دیے گئے ہیں۔واضح رہے کہ اسی دوران امریکی ریاست رہوڈ آئی لینڈ کی براؤن یونیورسٹی میں فائرنگ کا واقعہ پیش آیا، جس میں 2 افراد ہلاک اور 9 شدید زخمی ہوئے۔ یونیورسٹی کو فوری طور پر بند کر کے طلبہ کو محفوظ مقامات پر منتقل کر دیا گیا۔فائرنگ کے واقعے میں حملہ آور ابھی تک گرفتار نہیں ہو سکا۔
