پنجاب حکومت نے25 سال بعد بسنت کا تہوار منانے کی اجازت دے دی۔ لاہور میں 6، 7 اور 8 فروری کو بسنت کا تہوار پورے شہر میں منایا جائے گا۔
سماجی رابطے کی ویب سائٹ ایکس پر سینئر صوبائی وزیر پنجاب مریم اورنگزیب نے بتایا کہ وزیراعلیٰ پنجاب مریم نواز شریف نے تاریخی اور ثقافتی ورثے ’’بسنت‘‘ کی بحالی کی منظوری دی ہے۔
بسنت آرڈیننس 2025 کے تحت تہوار کے دوران ہر پتنگ، ہر دھاگہ اور ہر فروخت کنندہ کو کیو آر کوڈ کے تحت رجسٹر کیا جائے گا اور مکمل مانیٹرنگ کی جائے گی۔ وزیر کا کہنا تھا کہ بسنت عوام کی تہذیب اور خوشی کا حصہ ہے، اور اس کی کامیابی ہم سب کی مشترکہ ذمہ داری ہے۔
واضح رہے کہ بسنت ایک تہوار ہے جس کی جڑیں گہری تاریخی اور ثقافتی روایتوں میں پیوست ہیں اور دنیا بھر میں اسے سراہا جاتا ہے۔
