ایبٹ آباد میں ڈاکٹر وردا قتل کیس کی تحقیقات میں بڑی پیش رفت سامنے آئی ہے۔ ڈی پی او ایبٹ آباد نے غفلت برتنے اور بروقت کارروائی نہ کرنے پر ایس ایچ او تھانہ کینٹ محمد زبیر کو معطل کر دیا ہے۔
ترجمان پولیس کے مطابق ایس ایچ او محمد زبیر کو معطل کرکے لائن حاضر کر دیا گیا ہے، جبکہ ان کی جگہ علی خان جدون کو نیا ایس ایچ او تھانہ کینٹ تعینات کر دیا گیا ہے۔
ڈی پی او نے واضح کیا ہے کہ کیس میں تاخیر یا غفلت کسی صورت برداشت نہیں کی جائے گی، تمام ذمہ داران کے خلاف سخت کارروائی عمل میں لائی جائے گی۔
