عمران خان کی صحت،عظمیٰ خان پہلا باضابطہ مؤقف سامنے آگیا

جیل حکام کے مطابق ملاقات کی اجازت جیل مینول کے مطابق اس شرط پر دی گئی کہ ملاقات کے دوران یا بعد میں کسی قسم کی سیاسی گفتگو یا سرگرمی نہیں کی جائے گی۔ حکام کا کہنا ہے کہ ملاقاتوں کے سلسلے کو برقرار رکھنے کے لیے قواعد وضوابط کی مکمل پاسداری ضروری ہے، بصورت دیگر اس فیصلے پر نظرثانی کی جا سکتی ہے۔

ذرائع کے مطابق تحریک انصاف کی جانب سے عظمیٰ خان اور وکیل سلمان صفدر کو ملاقات کے لیے نامزد کرنا دانشمندانہ فیصلہ قرار دیا جا رہا ہے، کیونکہ اس عمل سے ملاقات کا مقصد خالصتاً صحت اور قانونی مشاورت تک محدود رکھا جا سکے گا۔

ملاقات کے بعد میڈیا سے گفتگو کرتے ہوئے عظمیٰ خان نے بتایا کہ عمران خان کی صحت بالکل ٹھیک ہے اور وہ خیریت سے ہیں۔ ان کا کہنا تھا کہ دونوں بہنوں سے مشاورت کے بعد مزید تفصیلی بات کی جائے گی۔

جیل انتظامیہ کے مطابق ملاقات کا یہ سلسلہ اسی صورت جاری رہے گا جب ملاقات کنندگان مقررہ شرائط کی مکمل پابندی کریں گے۔