گلشن اقبال میں جاں بحق تین سالہ ابراہیم کی نمازِ جنازہ ادا

نمازِ جنازہ میں امیر جماعت اسلامی کراچی منعم ظفر اور ایم کیو ایم کے رکن اسمبلی شارق جمال بھی شریک ہوئے اور لواحقین سے اظہارِ تعزیت کیا۔

سندھ اسمبلی میں معاملہ زیرِ بحث

دوسری جانب سندھ اسمبلی کے اجلاس میں بھی کمسن بچے کی ہلاکت کا معاملہ اٹھایا گیا، جہاں اپوزیشن نے واقعے پر شدید احتجاج کیا۔
سندھ حکومت نے ایوان کو یقین دلایا کہ واقعے کے ذمہ داروں کے خلاف سخت کارروائی کی جائے گی اور غفلت برتنے والوں کو قانون کے مطابق سزا دی جائے گی۔

یہ واقعہ شہری انتظامیہ کے لیے ایک بڑے سوال کے طور پر سامنے آیا ہے، جبکہ عوامی حلقوں کی جانب سے کھلے مین ہولز کے خاتمے اور حفاظتی اقدامات کو یقینی بنانے کا مطالبہ زور پکڑ گیا ہے۔