خیبر پختونخوا میں گورنر راج:چار نام زیر غور-خیبر پختونخوا میں ممکنہ گورنر راج کے حوالے سے تیاریاں جاری ہیں اور سیاسی حلقوں میں چار نام زیر غور ہیں۔
ذرائع کے مطابق پہلا نام موجودہ گورنر خیبر پختونخوا فیصل کریم کنڈی کا ہے، جنہیں گورنر راج کے نفاذ کے بعد بھی اپنے فرائض جاری رکھنے کا امکان ہے۔
دوسری جانب دیگر زیر غور ناموں میں سابق وزیراعلیٰ خیبر پختونخوا امیر حیدر ہوتی اور آفتاب شیر پاؤ کے نام شامل ہیں۔
ذرائع کا یہ بھی کہنا ہے کہ اگر ان سیاستدانوں میں کسی پر اتفاق نہیں ہوتا تو لیفٹیننٹ جنرل ریٹائرڈ غیور اور لیفٹیننٹ جنرل ریٹائرڈ خالد ربانی کے نام بھی غور کے لیے پیش کیے جا سکتے ہیں۔
سیاسی تجزیہ کاروں کے مطابق صوبے میں گورنر راج کے امکانات اور زیر غور ناموں کی فہرست سے آئندہ دنوں میں سیاسی بحث مزید گرم ہونے کا امکان ہے۔
