پیٹرولیم مصنوعات کی نئی قیمتوں کا اعلان

وفاقی حکومت نے اگلے 15 دن کے لیے پیٹرولیم مصنوعات کی قیمتوں میں ردوبدل کا اعلان کرتے ہوئے اس کا نوٹیفکیشن بھی جاری کر دیا ہے۔ پٹرولیم ڈویژن کے مطابق پیٹرول اور ڈیزل دونوں کی قیمتوں میں کمی کی گئی ہے۔

نوٹیفکیشن کے مطابق پیٹرول کی فی لیٹر قیمت میں 2 روپے کمی کے بعد نئی قیمت 263 روپے 45 پیسے فی لیٹر مقرر کی گئی ہے۔

اسی طرح ہائی اسپیڈ ڈیزل کی قیمت میں 4 روپے 79 پیسے کمی کا اعلان کیا گیا ہے، جس کے بعد ڈیزل کی نئی قیمت 279 روپے 64 پیسے فی لیٹر ہو گی۔

حکام کے مطابق نئی قیمتوں کا اطلاق آج رات 12 بجے سے ہو جائے گا۔