کراچی:سمندر میں دو کشتیوں میں تصادم،دو خواتین جاں بحق

تصادم کے بعد متعدد افراد سمندر میں گر گئے، جن میں سے اب تک 12 افراد کو بحفاظت نکال کر اسپتال منتقل کیا جاچکا ہے۔ زخمیوں میں دو بچوں کی حالت تشویشناک بتائی جاتی ہے۔

ایس ایس پی کیماڑی امجد شیخ کا کہنا ہے کہ حادثے کے فوراً بعد ریسکیو آپریشن شروع کیا گیا اور تمام سواروں کو نکال لیا گیا ہے۔ زخمیوں کو قریبی نجی اسپتال پہنچا دیا گیا ہے۔

واقعے کی تحقیقات جاری ہیں جبکہ متعلقہ حکام نے کشتی رانی کے حفاظتی انتظامات مزید سخت کرنے کی ہدایت کی ہے۔