باجوڑ:سابق صوبائی وزیرانورزیب خان کی رہائش گاہ پر بم دھماکہ-خیبرپختونخوا کے علاقے باجوڑ میں پاکستان تحریک انصاف کے سابق صوبائی وزیر اور ایم پی اے انورزیب خان کی رہائشگاہ پر بم دھماکہ ہوا۔
دھماکے کے نتیجے میں ایک شخص زخمی ہوا، تاہم دھماکے کے وقت ایم پی اے انورزیب خان گھر پر موجود نہیں تھے۔ انورزیب خان نے واقعہ کی تصدیق کرتے ہوئے کہا کہ وہ خود محفوظ ہیں اور متعلقہ حکام واقعے کی تحقیقات کر رہے ہیں۔
سکیورٹی ادارے علاقے میں پہنچ گئے ہیں اور دھماکے کی نوعیت اور ذمہ داروں کے تعین کے لیے تحقیقات جاری ہیں۔
