ملک بھر میں جمادی الثانی کا چاند نظر نہیں آیا

مرکزی رویتِ ہلال کمیٹی کا اجلاس لاہور میں چیئرمین مولانا عبدالخبیر آزاد کی زیرِ صدارت منعقد ہوا۔ اجلاس کے اختتام پر چیئرمین نے بتایا کہ ملک کے کسی بھی علاقے سے چاند نظر آنے کی کوئی مصدقہ شہادت موصول نہیں ہوئی، جس کے بعد نئی تاریخ کا اعلان کیا گیا۔

کراچی میں محکمہ موسمیات کے دفتر میں زونل رویت ہلال کمیٹی کا اجلاس بھی منعقد ہوا، جس میں ماہرین اور کمیٹی ارکان نے چاند کی رویت کے حوالے سے شہادتوں اور موسم کی صورتحال کا جائزہ لیا۔

اسی طرح ملک کے دیگر شہروں میں بھی زونل کمیٹیوں نے چاند کی تلاش کا عمل مکمل کیا، تاہم کہیں سے بھی رویت کی اطلاع موصول نہیں ہوئی۔