بنوں میں پولیس اسٹیشن کے قریب خودکش دھماکا
بنوں: تھانہ بسیہ خیل کے قریب دوہ غوڑا پل پر خودکش دھماکا ہوا، جس میں حملہ آور ہدف پر پہنچنے سے قبل خود کو دھماکے سے اُڑا گیا۔
پولیس کے مطابق جائے وقوع پر ایک لاش اور موٹر سائیکل پڑی ملی ہے، جبکہ دھماکے میں کسی اور کی ہلاکت کی اطلاع موصول نہیں ہوئی۔
دھماکے کے بعد پولیس کی بھاری نفری جائے وقوعہ پر پہنچ گئی اور علاقے کو سیل کر دیا۔ پولیس نے دھماکے کی نوعیت اور وجوہات معلوم کرنے کے لیے تحقیقات کا آغاز کر دیا ہے۔
