شمالی وزیرستان اور ڈی آئی خان میں آپریشن،15 دہشت گرد ہلاک

پاک فوج کے شعبہ تعلقات عامہ (آئی ایس پی آر) کے مطابق 15 اور 16 نومبر کو دو مختلف کارروائیاں کی گئیں۔ ڈی آئی خان میں کیے گئے آپریشن میں 10 خوارج مارے گئے، جن میں گروہ کا سرغنہ عالم محسود بھی شامل ہے۔ شمالی وزیرستان کے دتہ خیل میں ایک اور انٹیلیجنس بیسڈ آپریشن میں مزید 5 دہشت گرد ہلاک ہوئے۔

آئی ایس پی آر نے بتایا کہ کلاچی، ڈی آئی خان میں آپریشن انٹیلیجنس کی بنیاد پر کیا گیا اور دہشت گردوں کے ٹھکانے کو مؤثر انداز میں نشانہ بنایا گیا۔

پاک فوج کے مطابق علاقے میں کلیئرنس آپریشن جاری ہے اور غیر ملکی پشت پناہی یافتہ دہشت گردوں کے مکمل خاتمے تک انسدادِ دہشت گردی کی کارروائیاں جاری رہیں گی۔