جسٹس امین الدین خان نے پہلے چیف جسٹس کا حلف اٹھا لیا

تقریب میں وزیراعظم شہباز شریف، وفاقی وزراء، ارکانِ پارلیمنٹ اور چیئرمین پیپلز پارٹی بلاول بھٹو زرداری نے شرکت کی۔
فیلڈ مارشل سید عاصم منیر، پاک بحریہ اور پاک فضائیہ کے سربراہان بھی تقریب میں موجود تھے۔
اس کے علاوہ اسپیکر قومی اسمبلی، چیئرمین سینیٹ اور اٹارنی جنرل بھی شریک ہوئے۔

ذرائع کے مطابق نئے انتظامی ڈھانچے کے تحت چیف جسٹس وفاقی آئینی عدالت جسٹس امین الدین خان اسلام آباد ہائیکورٹ کے روم نمبر 1 میں بیٹھیں گے، جبکہ چیف جسٹس اسلام آباد ہائیکورٹ جسٹس سرفراز ڈوگر کمرہ نمبر 2 منتقل ہو جائیں گے۔

واضح رہے کہ جسٹس امین الدین خان جلد وفاقی آئینی عدالت کے چھ نئے ججز سے بھی حلف لیں گے، جس کے لیے تیاریاں جاری ہیں۔