بنوں:سی ٹی ڈی کی کارروائی،فتنہ الخوارج کے2 ٹارگٹ کلرز ہلاک

ترجمان سی ٹی ڈی کے مطابق کارروائی دہشت گردوں کی موجودگی کی اطلاع پر کی گئی۔ فائرنگ کے تبادلے میں دونوں دہشت گرد مارے گئے جبکہ ان کے دو ساتھی اندھیرے کا فائدہ اٹھا کر فرار ہو گئے، جن کی تلاش کے لیے سرچ آپریشن جاری ہے۔

سی ٹی ڈی نے بتایا کہ ہلاک دہشت گردوں کے قبضے سے کلاشنکوف، پستول، ہینڈ گرینیڈ، موبائل فونز اور کالعدم تنظیم کے کارڈز برآمد ہوئے ہیں۔

ترجمان کے مطابق مارے گئے دہشت گرد مختلف ٹارگٹ کلنگ، بھتہ خوری اور دہشت گردانہ کارروائیوں میں ملوث تھے۔ سیکیورٹی فورسز نے علاقے کو گھیرے میں لے کر مزید تلاشی کا عمل شروع کر دیا ہے۔