متنازع بیان،سہیل آفریدی کیخلاف پیکاایکٹ کے تحت مقدمہ درج

ذرائع کے مطابق مقدمہ سرکار کی مدعیت میں درج کیا گیا ہے، جس میں سہیل ولد ستار کو براہ راست ملزم نامزد کیا گیا ہے۔

مقدمے کے متن میں الزام عائد کیا گیا ہے کہ سہیل آفریدی نے مساجد میں کتے باندھنے سے متعلق متنازع بیان دیا، جبکہ این سی سی آئی اے کی انکوائری میں ان کے خلاف سنگین الزامات سامنے آئے۔

تحقیقات کے مطابق ملزم نے ریاستی اداروں کے خلاف جھوٹے اور اشتعال انگیز بیانات سوشل میڈیا پر شیئر کیے اور پی ٹی آئی کے یوٹیوب چینل پر اڈیالہ جیل کے باہر گفتگو کی ویڈیو اپ لوڈ کی۔

این سی سی آئی اے کے مطابق یہ بیانات ریاستی اداروں کی ساکھ کو نقصان پہنچانے، عوام میں نفرت، خوف اور بدامنی پھیلانے کی کوشش ہیں۔

حکام کے مطابق مقدمہ پیکا ایکٹ کی دفعات 11، 20 اور 26-اے کے تحت درج کیا گیا ہے، جس کی منظوری اعلیٰ حکام سے حاصل کی گئی۔