وادی کاغان، ناران اور بابو سر ٹاپ پر برفباری کا سلسلہ جاری

ضلعی انتظامیہ کے مطابق شدید برفباری کے باعث ناران جھل کھڈ روڈ اور بابو سر ٹاپ روڈ کو آمد و رفت کے لیے بند کردیا گیا ہے۔ بابو سر ٹاپ روڈ مانسہرہ سے گلگت دونوں اطراف سے ٹریفک کے لیے بند ہے، تاہم سیاح ناران سے بٹہ کنڈی تک سفر کر سکتے ہیں۔

ضلعی انتظامیہ نے بتایا کہ موسم بہتر ہونے کی صورت میں آئندہ 2 سے 3 روز میں بابو سر ٹاپ روڈ دوبارہ کھول دی جائے گی۔ بٹہ کنڈی تک تمام سڑکیں سیاحوں کے لیے کھلی ہیں۔