سیکیورٹی فورسز کی دوکارروائیاں،فتنہ الخوارج کے3دہشتگرد ہلاک

جنرل ہیڈکوارٹرز کے شعبہ تعلقات عامہ نے بتایا کہ شمالی وزیرستان کے ایشام کے سامنے علاقے میں خارجی دہشت گردوں کی نقل و حرکت کی نشاندہی ہوئی۔ سیکیورٹی فورسز نے خارجیوں کے گروہ کو مؤثر انداز میں نشانہ بنایا۔

ٹانک میں کارروائی کے دوران ہلاک ہونے والے خارجی کی شناخت اکرام الدین عرف ابو دجانہ کے نام سے ہوئی، جو افغان شہری تھا۔ آئی ایس پی آر نے واضح کیا کہ یہ عناصر سرحد پار کر کے پاکستان میں داخل ہونے کی کوشش کر رہے تھے۔

آئی ایس پی آر نے افغان عبوری حکومت سے بارہا مطالبہ کیا ہے کہ وہ مؤثر بارڈر مینجمنٹ یقینی بنائے اور افغان سرزمین دہشت گردوں اور سہولت کاروں کے لیے پاکستان کے خلاف استعمال نہ ہونے دے۔

ترجمان پاک فوج نے کہا ہے کہ سیکیورٹی فورسز اور قانون نافذ کرنے والے اداروں کی انسداد دہشت گردی کارروائیاں بلا تعطل جاری رہیں گی تاکہ ملک میں امن و استحکام برقرار رہے۔